Hér er uppskrift sem enginn matgæðingur ætti að láta framhjá sér fara. Uppskriftin er frá meistara Marcus Samuelsson sem rekur veitingastaðinn Red Rooster í Harlem.
„Jerk Chicken“
Fyrir fjóra (miðað við hálfan kjúkling á mann)
- 1 laukur, skorinn gróft
- 3 skallottlaukar, skornir
- 2 stk. Scotch bonnet-chilipipar (notið halapeno ef hann fæst ekki), skorinn gróft
- 2 hvítlauksrif, skorin
- 1 msk five-spice-krydd
- 1 msk allrahanda
- 1 msk nýmalaður pipar
- 1 tsk ferkt tímían, laufin tínd af
- 1 tsk rifið múskat
- 1 tsk salt, eða eftir smekk
- ½ bolli sojasósa
- 1 msk matarolía
- 2 heilir kjúklingar, teknir í tvennt
- 2 mjölbananar, skornir þunnt og steiktir á pönnu í smá smjöri, látið kólna
- 4 skallottpönnukökur
Aðferð.
- Blandið lauk, skallottlauk, chili, hvítlauk og kryddi saman í matvinnsluvél.
- Látið vélina vinna áfram og bætið út í sojasósu og olíu. Hellið maríneringunni í stóra grunna skál og leggið kjúklingahelmingana ofan í löginn. Veltið kjúklingnum upp úr maríneringunni. Breiðið yfir skálina og setjið inn í ísskáp í nokkrar klukkustundir en má vera yfir nótt.
- Grillið kjúklinginn á grilli eða í ofni á háum hita þar til tilbúinn.
Skallottpönnukökur
- 2 bollar hveiti
- 1 2/3 bollar vatn
- 1/4 bolli sesamolía
- 3/4 tsk salt
- 2 búnt skallottlaukur
- olía til steikingar
Aðferð:
- Blandið hveiti, vatni, sesamolíu og salti í stóra skál. Hrærið þar til laust við kekki. Geymið til hliðar.
- Skerið skallottlaukinn, en hendið rótinni og skerið smávegis af grænu endunum. Setjið út í deigið.
- Hitið tvær tsk af olíu á pönnu yfir miðlungshita.
- Steikið pönnukökurnar þegar pannan er orðin vel heit. Notið u.þ.b. ¾ bolla af deigi fyrir hverja pönnuköku. Eldið í fjórar mínútur og snúið svo við og eldið á hinni hliðinni. Gott getur verið að bæta smá olíu við áður en þið snúið.
- Takið pönnukökur af pönnu og látið liggja á eldhúspappír til þess að öll aukaolía fari af.
- Gott getur verið að steikja á tveimur pönnum í einu.
- Leggið pönnuköku á disk og hálfa kjúklinginn ofan á. Raðið mjölbananabitum ofan á.
- Gott að bera fram með pikkluðum rauðlauk, ferskum kryddjurtum og góðri sterkri sósu.