Þetta meðlæti er svo fáránlega spennandi og gott að það mun klárlega stela senunni í veislunni. Hér erum við að tala um rósakál og rjóma.... löðrandi beikon og ost. Hvað er hægt að biðja frekar um?
Löðrandi beikon rjóma rósakál með bræddum osti
- 5 sneiðar af beikoni
- 3 msk. smjör
- 2 litlir shallot laukar, saxaðir
- rósaskál, skorið í tvennt
- sjávarsalt
- 1/2 tsk cayenne pipar
- 180 ml rjómi
- 1/2 bolli rifinn ostur
Aðferð:
- Hitið ofninn í 180 gráður. Steikið beikon á pönnu og leggið á eldhúspappír þegar það er fullsteikt. Hellið fitunni af pönnunni.
- Setjið pönnuna aftur á og bræðið smjörið. Setjið shallot laukinnog rósakálið á og steikið.
- Kryddið með salti og cayenne pipar. Steikið á miðungshita í 10 mínútur eða svo.
- Slökkvið undir og hellið rjómanum út á. Setjið því næst ostinn og beikonið saman við.
- Hellið í eldfast mót og bakið uns osturinn er farinn að krauma í 12-15 mínútur.