Matur | mbl | 5.4.2019 | 12:38 | Uppfært 13:22

Ketó-snakkbitar sem halda aukakílóunum fjarri

Ketó-bitar sem seðja alla löngun í sætindi. mbl.is/Charlie Gillette

Þeir sem eru á ketó-mataræðinu vita að það er örlítið minna úrval í boði en annars hvað snakk varðar. En ekki örvænta því hér eru litlir gúrmei bitar sem slökkva á allri löngun í eitthvað annað sem kroppurinn gargar á. Þeir eru allt sem þú getur hugsað þér og munu alls ekki bæta á þig neinum aukakílóum.

Litlir gúrme ketó-snakkbitar

6 beikonsneiðar, skornar til helminga
Gúrka, skorin í þunnar ræmur
2 gulrætur, skornar í þunnar ræmur
Avocado, skorinn í bita
115 g rjómaostur
Sesamfræ til skrauts

Aðferð:

Hitið ofninn á 200°C.
Leggið álpappír á bökunarplötu og bökunargrind þar ofan á. Leggið beikonið á grindina og bakið í 11-13 mínútur þar til stökkt.
Skerið gúrkuna, gulræturnar og avocado niður í svipaða stærð og beikonið er á breiddina.
Þegar beikonið hefur kólnað örlítið, smyrjið það þá með rjómaosti og dreifið grænmetinu yfir.
Rúllið upp og stráið sesamfræjum yfir.