Níu matvörur sem renna aldrei út

Hvít hrísgrjón geymast í tugi ára eftir skráðan síðasta söludag.
Hvít hrísgrjón geymast í tugi ára eftir skráðan síðasta söludag. mbl.is/iStockphoto

Við hendum ógrynni af mat í ruslið ár hvert og kannski of miklu? Allar matvörur eru stimplaðar með síðasta söludag sem þó er ekki alltaf við að standast.

Hrísgrjón
Rannsókn var gerð í Háskólanum í Utah hversu lengi hvít hrísgrjón gætu haldið næringarefnum sínum og bragði – og útkoman var sláandi. Hvít hrísgrjón geta haldið sér í 30 ár í lofttæmdum umbúðum og þá ekki í hærri hita en 4-5°, á meðan brún hrísgrjón endast einungis í 6 mánuði.

Niðursoðnar vörur
Dósamatur getur haldið sér tvöfalt lengur en stendur á dósinni, alveg í nokkur ár til viðbótar. Þá má dósamaturinn ekki standa undir beinu sólarljósi, heldur á dimmum og svölum stað, t.d. inn í búrskáp. Maturinn gæti misst eitthvað af bragðinu með tímanum en þú mátt vel borða hann.

Sælgæti
Vörur sem innihalda hátt sykurmagn, haldast yfirleitt í mörg ár og því máttu vel raða í þig hlaupböngsum og lakkrís þó að síðasti söludagurinn sé upprunninn. Þetta á ekki við um súkkulaði, en það finnst fljótt á bragðinu.

Marmelaði
Hér gildir það sama og með sælgætið – hátt sykurinnihald. Því má gæða sér á gömlu marmelaði svo lengi sem að krukkan er óopnuð.

Hunang
Hungang er eitt af þeim matvörum sem getur haldist til lengri tíma og þar getum við þakkað býflugunum fyrir. En hunangskrukkan þarf að vera lofttæmd til að hunangið haldi sér.

Salt
Það kemur eflaust engum á óvart að salt tilheyri þessum flokki. Í raun var salt notað hér áður til að lengja líftíma annarra matvara.

Sykur
Enn og aftur þarf að huga að því hvernig hráefnið sé geymt og það í lofttæmdum ílátum. Ef sykurinn byrjar að hlaupa í kekki, skaltu íhuga að skipta honum út.

Soya
Út af háu innihaldi af salti í soya sósu getur það eiginlega ekki runnið út. Svo lengi sem þú geymir sósuna í ísskáp og manst eftir að loka vel tappanum eftir notkun.

Áfengi
Því hærri sem alkahólprósentan er í drykknum því hreinna er áfengið af bakteríum. Þegar þú hefur opnað flöskuna berast loft og bakteríur í drykkinn sem mun hafa áhrif til lengri tíma. Því getur þú geymt óopnaða flösku í langan tíma en ekki taka sénsinn með opnaðar flöskur.

mbl.is/Isabellas
mbl.is