Skyrkakan sem slegist er um

mbl.is/Berglind Hreiðarsdóttir

Skyrkökur eru uppfinning sem þakka má fyrir daglega því þær gera lífið svo miklu miklu betra. Svo eru þær líka eiginlega hollar þannig að í raun má borða þær við hvert tilefni án þess að það endi illa. 

Þessi kaka kemur úr smiðju Berglindar Hreiðars á Gotteri.is sem er flinkari en flestir við að baka og ber kakan þess glöggt vitni. 

Skyrkaka Heiðu

  • 1 pk LU bastogne kex
  • 50 g smjör
  • 500 g KEA bláberja- og jarðaberjaskyr
  • 500 ml rjómi
  • 70 g saxað suðusúkkulaði
  • Bláber og jarðaber (um 125 g af hvoru)

Aðferð

  1. Myljið kexið niður (í poka með kökukefli eða í matvinnsluvél) og bræðið smjörið á pönnu og blandið smjörinu saman við kexmylsnuna.
  2. Leggið mulið kexið í botninn á krúsinni, ýtið aðeins upp á kantana og leyfið að kólna alveg.
  3. Þeytið rjómann og bætið skyrinu svo varlega útí með sleif þar til vel blandað.
  4. Setjið skyr- og rjómablönduna ofan á kexið.
  5. Stráið söxuðu suðusúkkulaði yfir skyrblönduna og að lokum berjunum.
  6. Kælið í um 1-2 klukkustundir áður en borið er fram, jafnvel yfir nótt.
mbl.is/Berglind Hreiðarsdóttir
mbl.is/Berglind Hreiðarsdóttir
mbl.is