Sítrónur eru þekktar fyrir góða hjálp þegar kemur að þrifum og öðrum húsverkum á heimilinu. En hér erum við með nokkur trix hvað appelsínurbörkur getur gert.

Hreinsiefni
Það er algjör óþarfi að kaupa búðarkeypt efni þegar þú getur útbúið frábær hreinsiefni í eldhúsinu heima úr edik og appelsínuberki. Settu appelsínubörk í krukku með loki og fylltu upp með ediki. Settu krukkuna á dimman stað í 2 vikur, sigtaðu þá blönduna og helltu yfir í úðabrúsa. Þannig færðu ilmandi og gott hreinsiefni.

Ruslatunnan
Þetta litla snjalla ráð er til þess gert að ruslatunnan muni ekki anga af vondri lykt. Settu appelsínubörk í botninn á tunnunni áður en þú setur poka í og tunnan mun ilma vel.

Ísskápurinn
Til að losna við súra lykt úr ísskápnum skaltu taka utan af hálfri appelsínu og setja nóg af salti innan á börkinn. Þannig færðu alveg efnalausa lausn við vandanum.

Kveiktu í berkinum
Það er ekkert notalegra en að kveikja upp í arninum, ef þú býrð svo vel. Prófaðu að þurrka appelsínubörk í nokkra daga og settu svo út í eldiviðinn næst þegar þú kveikir upp í. Ilmurinn mun leika um húsið eins og kveikt væri á góðu ilmkerti.

Appelsínubörkur er hreinasta snilld í orðsins fyllstu merkingu. mbl.is/Lucky Business/Shutterstock

Tengdar fréttir

Húsráð

Þess vegna ættir þú að borða papaja daglega

• Svona geymast eggjahvítur og eggjarauður best
• Matvæli sem róa magann
• Hversu oft eigum við að skipta um tusku?
• Svona brennir þú hitaeiningum við heimilisþrifin

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt