Matur | mbl | 12.1.2020 | 11:01 | Uppfært 11:19

Morgunverðarpanna með eggjum

Dásamleg byrjun á góðum degi. mbl.is/Sæson.dk_Line Falck

Byrjum daginn á grænum og gómsætum nótum – fyllum kroppinn af næringarríkum mat og förum södd og sæl inn í daginn. Þessi morgunverðarpanna býður upp á allt það sem þú þarft til að starta deginum sem best.

Morgunverðarpanna með eggjum (fyrir 2)

1 laukur
1 stórt hvítlauksrif
½ hvítkál
8 grænir aspasstönglar
100 g spínat
100 g baunir eða baunabelgir
100 g kirsuberjatómatar
1 msk. ólífuolía
1 tsk. grænt karrý-paste
2 msk. sojasósa
2 egg
Handfylli ferskt kóríander, steinselja eða púrrlaukur

Aðferð:

Hitið ofninn í 200°C.
Saxið laukinn og pressið hvítlaukinn.
Saxið kálið og skerið endann af aspasinum og skerið hann í ræmur. Skerið tómata og baunir í minni bita.
Hitið olíu á pönnu (helst pönnu sem þolir að fara inn í ofn). Setjið græna karrý-pastað út á pönnuna og steikið laukinn og hvítlaukinn. Bætið grænmetinu út á og sojasósunni og veltið saman þar til spínatið hefur fallið smá saman. Sláið eggin út ofan á grænmetið og setjið pönnuna inn í ofn í 8 mínútur þar til eggin eru bökuð í gegn.
Klippið púrrlauk yfir réttinn eða saxaða steinselju eða kóríander eftir smekk og berið strax fram.

Uppskrift: Sæson.dk_Lone Kjær