Á yfirgefinni lestarstöð í 6. hverfinu í París, muntu fá einstaka upplifun á níu metra dýpi. Lestarpallurinn sem áður iðaði af lífi með fólki á leið til og frá vinnu mun brátt verða að mathöll.
Öðrum megin við lestarteinanna verður markaðstorg með matvörum til sölu, kaffihús, sælkeraverslun og vínbúð. Hinum megin við brautarpallinn verður veitingastaður ásamt vínbar. Verkefnið hlaut fyrstu verðlaun í samkeppni og er það Studio Same sem sér um hönnunina.
Arkitektastofan mun leggja allt sitt í að gestir fái einstaka upplifun á staðnum og verður áherslan lögð á að endurheimta byggingarlistina, menninguna og arfleifð lestarstöðvarinnar í Parísarborg.
Áætlað er að verkefninu ljúki árið 2021 og þeir sem eiga leið um París á næsta ári geta lagt leið sína að 8 rue de sévres, 75006 París – og fundið þar nýstárlega mathöll.