Ásdís Ásgeirsdóttir
Hver getur staðist góða steik og hvað þá með meðlæti sem þessu? Uppskriftin kemur úr smiðju kokkanna á Sjálandi sem voru svo góðir að deila henni með okkur.
Snyrtið lambasirloin og skammtið í hæfilegar steikur. Steikið á fituhliðinni, kryddið með salti og eldið svo í ofni við 150°C þar til kjarnhiti nær 60°C. Hvílið í um 15 mínútur.
Kryddið frampartinn með harissa og salti og eldið í ofni yfir nótt við 80°C. Kælið niður og skerið í hæfilega bita, ca. 2 cm x 2 cm.
Rabarbara-BBQ
Blandið öllu saman í pott og sjóðið við vægan hita í um klukkustund. Maukið í blandara.
Súrsætir laukar
Skerið salatlaukana í báta og ristið í ofni við 200°C í 30 mínútur eða þar til þeir fara að dökkna. Sjóðið saman eplaedik, púðursykur og soja og hellið yfir laukana. Látið standa í kæli yfir nótt sé þess kostur, eða alla vega í eina klukkustund.
Brokkolíni
Blandið öllu saman og bakið í ofni við 200°C í um 8 mínútur eða þar til grænmetið fær smá lit.
Setjið lambaframpartinn í rabarbara-BBQ sósuna og leyfið að malla í nokkrar mínútur. Færið réttinn upp á fallegan disk.