Guð blessi sniðugt fólk í auglýsingageiranum sem fær hugmyndir á borð við að fá Zach Galligan til að leika í Mountain Dew-auglýsingu. Það er í alvörunni með snjallari hugmyndum sem fæðst hafa og við sjáum fyrir okkur að fundurinn hafi verið sirka svona:
- Hvernig eigum við að auglýsa Mountain Dew?
- Uuuuuu... hvað með að grafa upp eitthvað geggjað gamalt sem allir þekkja?
- Hvað með Gremlins?
- Já, geggjuð hugmynd... eru ekki 37 ár síðan myndin kom út?
- Jú, og fáum upprunalega leikarann Zach Galligan til að leika í henni. Það yrði fyndið.
- Í hverju hefur hann leikið?
- Alveg fullt... aukahlutverk í Dr. Quinn og svona ýmislegt smálegt. Ekkert stórt.
- Ok, þá er það ákveðið. Fáum Gremlins og Galligan í auglýsingu.
Við vitum ekki nákvæmlega hvort þetta gerðist svona en við ætlum að ímynda okkur það. Útkoman er alla vega algjör snilld....