Matur | mbl | 2.3.2021 | 11:11

Sjúklegt pastasalat með parmaskinku og mozzarella

mbl.is/Berglind Hreiðarsdóttir

Hér er á ferðinni einfalt og gott pastasalat sem er frábær kvöldmatur fyrir alla fjölskylduna en hentar einnig sem nesti í vinnuna, skólann eða í ferðalagið.

Mozzarellakúlur með basilíku eru frábærar í rétti eins og salöt, snittur, pasta- og ofnrétti og forrétti ýmiss konar.

Pastasalat með mozzarella og basilíku

4 skammtar

500 g pastaskrúfur
5 msk. grænt pestó
3 msk. jómfrúarólífuolía
1 tsk. gróft salt
250 g kirsuberjatómatar
2 öskjur mozzarellakúlur með basilíku
1 bréf hráskinka
söxuð basilíka

Aðferð:

Sjóðið pastaskrúfur samkvæmt leiðbeiningum á pakka.
Skolið pastað vel og kælið aðeins niður.
Hrærið saman pestó, ólífuolíu og salti.
Blandið varlega saman við pastaskrúfurnar með sleif.
Skerið niður kirsuberjatómata.
Blandið mozzarellakúlum með basilíku ásamt tómötum og hráskinku saman við pastað.
Stráið að lokum ferskri basilíku yfir allt saman og njótið.

Höfundur: Berglind Hreiðarsdóttir