Þessi uppskrift fer klárlega í bókina sem best heppnaða kjúklingaborgarauppskrift síðari ára.
Það er meistari Berglind Hreiðars á Gotteri.is sem á heiðurinn að þessari gargandi snilld enda stendur hún flestum framar í gúrmei-matargerð. Berglind notar hér Streetfood sósu frá Hellmanns sem þykja alveg einstaklega góðar og skemmtileg viðbót við sósuflóruna sem er í boði er.
Kjúklingaborgari með chili majó
Uppskrift gefur 6 borgara
Kjúklingur
- 6 x úrbeinuð kjúklingalæri
- 1 msk. Salt
- 1 tsk. Pipar
- 1 tsk. Hvítlauksduft
- 1 tsk. Laukduft
- 3 msk. ólífuolía
- 100 ml AB mjólk
- 1 egg
- 40 ml vatn
- 1 msk. Kartöflumjöl
- 300 g hveiti
- Olía til steikingar
Aðferð:
- Setjið kjúklingalærin í poka, eitt í einu og merjið þykkasta hlutann út með buffhamri/kökukefli.
- Hrærið saman salti, pipar, hvítlauks- og laukdufti ásamt ólífuolíu.
- Setjið síðan allan kjúklinginn í poka, hellið kryddolíunni í pokann og hristið saman. Kælið í að minnsta kosti klukkustund, yfir nótt er líka í lagi.
- Blandið næst AB mjólk, eggi og vatni saman í eina skál og hveiti og kartöflumjöli í aðra.
- Hellið olíu (um 700 ml) í djúpa pönnu/grunnan pott og hitið vel.
- Dýfið hverju kjúklingalæri fyrst upp úr AB blöndunni og því næst hveitiblöndunni, þjappið hveitiblöndu vel á allar hliðar og geymið bitana síðan á disk svo allir séu tilbúnir þegar það kemur að steikingu.
- Steikið 2-3 kjúklingalæri í senn og snúið reglulega þar til þau eru orðin vel gyllt að utan (tekur um 6-8 mínútur).
- Hristið olíuna aðeins af og leggið kjúklinginn á grind með pappír undir svo öll fita leki af og hann haldist stökkur.
Hrásalat
- 100 g rifnar gulrætur
- Um 200 g fínt saxað rauðkál
- 80 g saxað iceberg salat
- 130 g Hellmann‘s majónes
- 2 msk. saxað kóríander
- 1 msk. sykur
- Salt og pipar eftir smekk
Aðferð:
- Blandið öllu saman í skál og geymið í kæli fram að notkun.
Samsetning og annað meðlæti
- Hellmann‘s Creamy Chili Streetfood sósa
- Hellmann‘s majónes (klassískt)
- 6 x hamborgarabrauð
- Kóríander eftir smekk
- Blaðsalat (má sleppa)
- Franskar kartöflur
Aðferð:
- Smyrjið klassísku majónesi á neðra brauðið.
- Raðið síðan hrásalati, kjúkling og blaðsalati eftir hentugleika þar ofan á.
- Setjið að lokum vel af Creamy Chili sósu yfir allt og hitt brauðið.
- Njótið með frönskum kartöflum og Creamy Chili sósu/annarri sósu.
Ljósmynd/Berglind Hreiðarsdóttir
Streetfood sósurnar hafa fengið frábærar viðtökur hér á landi enda einstaklega vel heppnaðar.
Ljósmynd/Berglind Hreiðarsdóttir