Flestir þeir sem hafa gert sér far norður í land kannast við hinn rómaða Dalakofa á Laugum í Reykjadal. Þar er hægt að gæða sér á stórfínum mat og komast í verslun.

Veitingastaðurinn hefur notið mikilla vinsælda, jafnt meðal nærsveitunga sem og ferðamanna um árabil og nú er hann til sölu.

Uppsett verð er 95 milljónir og selt allt í einum bita: húsnæði, verslunin, veitingastaðurinn ásamt öllum lager.

Um er að ræða frábært tækifæri fyrir áhugasama. Hægt er að skoða auglýsinguna HÉR.

Í auglýsingunni kemur meðal annars fram að húsið er steinsteypt og er steypt þak á elsta hluta hússins en bárujárnsþak á þeim hluta sem nú hýsir verslun.

Húsið stendur á stórri leigulóð, 5003 fm. og hefur núverandi eigandi haft tekjur af bensíndælum sem staðsettar eru á lóðinni.

Veitingahúsið er byggt árið 1964 og er skráð 168.7 fm.

Verslun er byggð 1974 og skráð 92,4 fm. og þar af teljast kælir og frystir 20 fm.

Húsið sjálft og þak telst í ágætu lagi og var allt yfirfarið og málað árið 2014 en gler og gluggar eru upprunalegir.

Rafmagn er upprunalegt að mestu en þó hefur verið bætt við og aukið eftir því sem starfsemnin hefur aukist og breyst gegnum tíðina.

Innréttingar veitingastaðarins eru einstakar, hannaðar af Sveini Kjarval og hafa þær staðið óbreyttar að mestu frá byggingu hússins.

Stór sólskáli (35 fm.) var byggður við veitingastaðinn árið 2017 og tekur staðurinn samtals 85 manns í sæti. Einnig er stór stólpallur sem rúmar 30-40 manns til viðbótar.

Nýtt hljóðkerfi var sett upp árið 2019.

Árið 2015 var 30 fm. gámur settur niður vestan við verslun og er innangengt í hann en þar er lager fyrir bæði verslun og veitingastað. 

Þvottaaðastaða er í ágætu rými sem gengið er inní úr verslun.

Eldhúsið er vel tækjum búið, gas eldavél, gas grill, 7 skúffu ofn og tvöfaldur pizzaofn.

Úr eldhúsi er gengið inn lítinn gang þar sem er starfsmannaaðstaða og snyrting ásamt skrifstofu.

Veitingastaðurinn stendur við þjóðveg 1 og er mikil umferð um veginn sem liggur upp í eina helstu náttúruperlu Íslands, Mývatnssveit. Dalakofinn er í um 35 mínútna akstursfjarlægð frá Akureyri og 25 minútur frá Húsavík.

Húsið getur selst með öllum rekstrarmunum en í húsinu er allt sem þarf til að halda úti veitinga- og verslunarrekstri.

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt