Matarbloggarinn og keramikerinn Hanna er hér með eina sjöllustu uppskrift sem sést hefur lengi. Hanna er sum sé í nammibindindi en má borða köku. Hún segir að þetta sé leiðin til að fá sér nammi í kökuformi. Kakan sé góð og einföld og smellpassi sem eftirréttur á sparidögum.
Einföld nammikaka
Botn
- 115 g smjör
- 130 g suðusúkkulaði
- 3 egg
- 2 dl sykur
- 150 g þristar (skornir í bita – ekki of smátt)
- 1½ dl hveiti
- 1 tsk. vanilludropar
- 3 msk. kakó
Ofan á
- 6 – 8 kókosbollur
- 3 dl rjómi
- Skraut eins og t.d. kókosbollur eða fersk ber
Aðferð:
Botn
- Ofninn hitaður í 130°C – blástur
- Smjör og súkkulaði brætt saman yfir vatnsbaði á lágum hita
- Egg og sykur þeytt saman þar til hræran verður létt og ljós. Vanilludropar settir út í
- Sigta saman hveiti og kakó og blanda því út í eggjahræruna – hræra saman með sleikju
- Súkkulaði- og smjörblöndunni hellt saman við deigið ásamt þristabitunum – blanda varlega saman með sleikju
- Deigið sett í 20 cm smelluform með bökunarpappír í botninum – (best að hafa formið rúmlega hálft) og bakað í 32 – 37 mínútur. Flestir á heimilinu eru sammála um að kakan sé best þegar hún er svolítið blaut þ.e. ekki of mikið bökuð – baka hana yfirleitt í 32 mínútur
- Kakan látin kólna og tekin úr smelluforminu
Ofan á
- Rjómi þeyttur og kókosbollum blandað saman við hann – skellt ofan á. Flott að skreyta með nokkrum kókosbollum eða ferskum ávöxtum