Rjómaostapasta sem hittir í mark

Ljósmynd/Linda Ben

„Hér höfum við virkilega ljúffengan og einfaldan tómatpastarétt sem er einstaklega „creamy” þar sem rjómaosti er bætt út í sósuna. Það gerir svo ótrúlega mikið fyrir bragðið og áferðina, þú hreinlega verður að smakka,“ segir Linda Ben um þennan dásamlega pastarétt sem ætti að hitta í mark á öllum heimilum.

„Ef þú vilt þá getur þú bætt við kjöti út í þennan rétt, bæði nautahakki eða kjúklingabringum. Lykillinn er að setja rjómaostann í endann og toppa svo með parmesan þegar verið er að bera réttinn fram. Það er svo einnig virkilega gott að hafa ferskt salat með líka.“

Rjómaosta pennepasta

  • 250 g Barilla Penne Rigate N°73
  • 1 msk. smjör
  • 1 laukur
  • 3 hvítlauksgeirar
  • 250 g sveppir
  • 400 g Tómat pastasósa frá Barilla
  • 3 msk. rjómaostur
  • Parmesan

Aðferð:

  1. Sjóðið penne pastað samkvæmt leiðbeiningum á umbúðum.
  2. Setjið smjör á pönnu.
  3. Skerið laukinn smátt niður og steikið á pönnunni.
  4. Rífið hvítlauksgeirana niður og bætið þeim á pönnuna. Steikið létt.
  5. Skerið sveppina niður og bætið á pönnuna, steikið.
  6. Bætið pastasósunni og rjómaostinum út á pönnuna, hrærið saman og látið malla aðeins.
  7. Bætið pastanu út á pönnuna og berið fram með parmesan.
Ljósmynd/Linda Ben
Ljósmynd/Linda Ben
mbl.is
Fleira áhugavert
Fleira áhugavert