Fullt út úr dyrum í opnun á Amber & Astra

Í hjarta borgarinnar, þar sem veitingastaðurinn Punk var áður til húsa, hefur nú glænýr veitingastaður rutt sér til rúms. Staðurinn, sem ber heitið Amber & Astra, er afrakstur sameiginlegs áhugamáls hjónanna Viggós Vigfússonar og Erlu Sylvíu Guðjónsdóttur.

Erla, sem starfar einnig sem mannauðsstjóri hjá Andes & Prógramm, deilir þessari ástríðu með Viggó, sem ber hitann og þungann af öllu er snýr að opnun og rekstri staðarins. Þau eru einnig eigendur að Blackbox Pizza, Hygge - Coffee & Micro Bakery og veitingastaðarins OTO ásamt Sigurði Laufdal.

Í til­efni af því var haldið opn­un­ar­partí þar sem vin­um og velunn­ur­um var boðið í mat og drykk. Boðið var upp á smárétti í anda þess sem er á matseðlinum. Yfir 200 manns mættu í opn­un­ar­par­tíið og gleðin var allsráðandi. Gest­ir gæddu sér á kræs­ing­um og nutu góðs fé­lags­skap­ar inn­an um mat­gæðinga og gleðigjafa í fallegu og stílhreinu umhverfi.

Mest að horfa til Frakklands

Aðspurður seg­ir Viggó að veit­ingastaður­inn verði með frönsku ívafi og muni vera op­inn öll kvöld í vik­unn­ar og bjóða upp á bröns um helg­ar. Einnig verði opið í há­deg­inu fimmtu­dög­um og föstu­dög­um.

„Okkur langaði að opna stað sem er með þeirri  matargerð sem er mjög vinsæl hjá matarunnendum og þá er mest verið að horfa til Frakklands þar sem eru miklar hefðir og klassísk matreiðsla sem okkur finnst sjálfum mjög skemmtileg og góð þótt við ætlum ekki að festa okkur of mikið í Frakklandi. Það verða líka klassískir réttir annars staðar frá.“  

Yfirkokkur staðarins er Daninn Carl Kristian Frederiksen en hann hef­ur verið bú­sett­ur hér um hríð en hef­ur þar á und­an verið í New York. Hann er reynslu­mik­ill mat­reiðslumaður sem á að baki flottan fer­il, hef­ur meðal ann­ars starfað á Michelin-stjörnuveit­ingastaðnum Dill,  Estela og Acme í New York, Aamann's og Nimb í Kaup­manna­höfn svo fátt sé nefnt.

Myndaveislan talar sínu máli og lýsir stemningunni vel.