Margir grípa til þess ráðs að fara í megrun til þess að grennast. Ný rannsókn sem Women's Health greinir frá bendir til þess að það getur skilað betri árangri að taka hlé á megruninni.
Vísindamenn skiptu of feitu fólki í tvo hópa sem átti að vera í megrun í 16 vikur. Kaloríuinntaka fólksins átti að minnka um einn þriðja. Á meðan annar hópurinn var í megruninni samfellt í 16 vikur byrjaði hinn hópurinn í megrun fyrstu tvær vikurnar. Næstu tvær vikur hætti það í megruninni og hugsaði bara um að borða hollara. Það byrjaði svo aftur á megruninni í tvær vikur og þannig hélt það áfram í 30 vikur.
Í ljós kom að fólk sem tók pásu í megruninni missti fleiri kíló en þeir sem voru í megrun samfellt í 16 vikur. Sex mánuðum eftir að það hætti í megruninni höfðu einstaklingarnir í seinni hópnum misst að meðaltali fleiri kíló en þau í 16 vikna samfelldu megruninni.
Vísindamennirnir vilja meina að ákveðið líffræðilegt ferli fari af stað í líkamanum þegar fólk fer í megrun sem gerir það að verkum að það léttist hægar og í sumum tilfellum þyngist.