Stundar ísböð og fer fáklæddur í göngutúra

Arnór og félagarnir á námskeiðinu í Póllandi voru einbeittir í ...
Arnór og félagarnir á námskeiðinu í Póllandi voru einbeittir í fjallgöngunni. Ljósmynd/aðsend

Arnór Sigurgeir Þrastarson heillaðist af Hollendingnum Wim Hof og aðferðum hans eftir að hann horfði á heimildarmynd um Hof eða ísmanninn eins og hann er stundum kallaður. Nú hefur Arnór farið á Wim Hof-námskeið bæði í Frakklandi og Póllandi og stefnir á að koma fyrir keri með köldu vatni úti í garði hjá sér.

Aðferð Wim Hof hefur notið mikilli vinsælda undanfarin ár og er Arnór ekki eini Íslendingurinn sem lítur upp til Hollendingsins. Þegar blaðamaður náði í Arnór var hann nýbúinn að kveðja aðra íslenska „Wim Hof-ara“ eins og hann orðaði það, sem hann hafði hitt og stundað öndunaræfingar með. Ásamt öndunaræfingunum fer Wim Hof og þeir sem aðhyllast fræði hans í köld böð og fáklæddir í göngutúra. Hof sjálfur hefur ósjaldan komist í Heimsmetabók Guinnes fyrir fífldirfsku sína. 

Gerir öndunaræfingar á hverju morgni

Það eru til rannsóknir um hvað öndunin gerir fyrir líkamann en hún er ekki síst til þess að hjálpa andlegu hliðinni. „Þetta gefur mér orku, það er vellíðan sem ég fæ út úr þessu,“ segir Arnór. „Ég er búinn að vera lengi að prófa mig áfram með hugleiðsluaðferðir sem ég kom aldrei í rútínu fyrr en ég byrjaði að stunda öndunaræfingar Wim Hof. Þetta er í fyrsta skipti sem mér líður ekki eins og ég sé að gera húsverk,“ segir Arnór sem gerir öndunaræfingarnar á hverjum morgni. Hann getur síðan nýtt sér öndunina í hinu daglega lífi til dæmis við stressi.

Arnór í ísbaði.
Arnór í ísbaði. Ljósmynd/aðsend

Áskoranirnar sem tengjast kuldanum hafa líkamlegan ávinning en eru ekki síst gerðar til þess að ögra huganum og sjá hvers megnug manneskjan er í raun og veru. Oft er hún fær um að gera svo miklu meira en hugurinn segir til um.

Námskeið Frakklandi og Póllandi

Arnór hefur stundað öndunaræfingarnar í átta mánuði en í vor fór hann á þriggja daga námskeið í Frakklandi. Þar gerði Arnór ásamt fólki alls staðar að úr heiminum öndunaræfingar ásamt því að hann tókst á við nokkrar kuldaáskoranir. „Við vorum að fara í göngutúra bara í stuttubuxum og skóm. Fórum í ísböð og svo í sánu til þess að þjálfa sogæðakerfið. Svo vorum við líka að fara í ísböð án þess að fara í sánu. Stóðum þá úti og lærðum að hita líkamann sjálf,“ segir Arnór sem tókst á við enn stærri kuldaáskorun á námskeiði í Póllandi í lok síðasta árs.

Í Póllandi var saman kominn 60 manna hópur ásamt tíu leiðbeinendum og Wim Hof sjálfum. Arnór segir að fólk hafi verið frá öllum heimshornum, allt frá Pakistan til Íslands, fólk sem var bæði vant og óvant aðferðum Wim Hof. Ferðinni lauk með göngu upp á fjallið Sniezka sem er á landamærum á Póllands og Tékklands. Stærsta áskorunin var þó ekki að ganga upp 16 hundruð metra hátt fjallið heldur að ganga það einungis í skóm og stuttbuxum.

„Þetta var verkefnið allan tímann, mínus 20 uppi á fjallinu. Vikan snerist um það að undirbúa okkur fyrir 23 kílómetra langa göngu upp og niður fjallið með til dæmis öndunaræfingum, fara í göngutúra og baða okkur í ám. Þú þjálfar kuldaþolið bara upp eins og vöðva,“ segir Arnór. Nokkur atriði hjálpuðu Arnóri og félögum að halda á sér hita eins og öndunaræfingar og að ganga með hendurnar á nýrunum.

Leiðin var löng og ströng upp fjallið.
Leiðin var löng og ströng upp fjallið. Ljósmynd/aðsend

Sú elsta var fremst

Æfingarnar í vikunni undirbjó fólk undir gönguna. „Fyrsta daginn fórum við bara í ísbað og í sánu við hliðina á. Næsta dag fórum við í tveggja tíma göngutúr út í frostinu. Daginn eftir það böðuðum við okkur í ánni og  gengum til baka.“ Ferðirnar voru farnar eins og alltaf bara á stuttbuxum eða sundskýlu og skóm. Reyndar var ein kona, sextug að aldri sem gekk allt berfætt svo fólk var þarna með mismikla reynslu.

„Það var mikið lagt upp úr örygginu og að hlusta á líkamann. Fólk átti til dæmis ekki að vera lengi ofan í ísbaði bara af því að gæinn við hliðina á var búinn að vera lengi,“ sagði Arnór sem setti sjálfur upp vettlinga og húfu á leið upp fjallið en fólk var með föt í bakpokanum til vonar og vara.

„Elsta konan sem var þarna var 65 ára, fimm barna móðir frá Belgíu. Þetta var í fyrsta skipti sem hún gerði eitthvað fyrir sjálfa sig síðan hún eignaðist börnin sín. Hún leiddi gönguna upp fjallið,“ segir Arnór. Konan hafði enga reynslu af kuldaáskorunum í anda Wim Hof en Arnór segir að fólk hafi komist upp í krafti fjöldans. Aðrir treystu á hann og hann treysti á aðra, ef hann hefði verið þarna einn hefði hann snúið við eftir tíu mínútur segir hann.

Hlýjan gerði ferðina erfiðari

Stór hluti leiðarinnar var inni í skógi svo að Arnór fann ekki fyrir vindinum fyrr en á lokahlutanum en þá segir hann að það hafi verið 20 metrar á sekúndu og mjög kalt. Til þess að gera ferðina enn erfiðari þá fékk hópurinn að fara inn í kofa rétt fyrir lokahlutann. Arnór vissi ekki fyrr en eftir á að það hafði verið gert til þess að gera ferðina erfiðari. „Manni var orðið kalt, búinn að ganga í tvo klukkutíma, húðin var orðin eins og skel. Við vorum þarna inni í svona hálftíma og það voru allir að deyja úr kulda. Við vorum að reyna gera armbeygjur, fólk var að reyna byggja upp einhvern hita,“ Segir Arnór um inniveruna. „Langerfiðast við gönguna var að fara aftur út í kuldann. Að vera skjálfandi að deyja úr kulda og þurfa að fara aftur út í mínus 20. Þá reyndi á styrk hópsins og viljastyrk.“

Arnór upp á toppnum.
Arnór upp á toppnum. Ljósmynd/aðsend

Síðasta spölinn segist Arnór hafa verið mjög einbeittur og nýtt sér öndunaræfingarnar til þess að komast á toppinn. „Við trítluðum upp þennan síðasta spöl, sem var hálftími. Það var svo  kalt og hvasst að ég vissi ekki lengur hvort mér væri kalt eða heitt sem var mjög furðuleg tilfinning.“

Þegar á toppinn var komið og takmarkinu náð segir Arnór að fólk hafi misst einbeitinguna. „Þetta var ótrúlega skrítin stemning, fólk byrjaði að fagna og taka myndir og áður en við vissum af byrjaði skjálftinn. Við áttum að klæða okkur aftur í föt upp á toppnum, það ætti að taka svona fimm mínútur en það tók 20 mínútur, fólk gat ekki klætt sig svo við þurftum að hjálpast að.“

Arnór segist enn bara vera byrjandi og ætlar að halda áfram að fylgja hugmyndum Wim Hof heima á Íslandi. Hann gerir öndunaræfingar á hverjum morgni, ætlar að koma fyrir köldu keri í garðinum sínum og baðar sig í vötnum á Íslandi enda kuldinn á Íslandi tilvalinn í svona kuldaáskoranir. 

mbl.is

Jóna saumaði jólakjólinn sjálf

10:00 Jóna Kristín Birgisdóttir saumaði hátíðlegan ullarkjól í Hússtjórnarskólanum. Hún segir ekki nauðsynlegt að eiga allt það nýjasta og dýrasta eins og stundum lítur út á samfélagsmiðlum. Meira »

Hvað segir jólamyndin um þig?

05:45 Að „feika“ það þangað til maður „meikar“ það er gamalt orðatiltæki sem á svo sannarlega ekki við í ljósi nýlegrar umfjöllunar Vintage everyday. 43 ljósmyndir frá því á sjötta áratug síðustu aldar gefa vísbendingu um að glöggir mannþekkjarar og komandi kynslóðir munu geta lesið í allt sem við erum með í gangi um þessar mundir. Meira »

Þarf að grátbiðja konuna um kynlíf

Í gær, 21:00 „Eiginkona mín sýnir enga ástúð, ég er enn með mikla kynhvöt og þarf að grátbiðja hana um kynlíf. Við stundum bara kynlíf nokkrum sinnum á ári.“ Meira »

5 ástæður þess að hunsa vigtina yfir jólin

Í gær, 18:00 Það er freistandi að stíga reglulega á vigtina yfir jólin. Það nýtur þó enginn jólanna til botns ef hann ætlar að refsa sér fyrir að borða aðeins of mikið konfekt. Meira »

Er makinn að halda fram hjá fjárhagslega?

Í gær, 14:00 Fólk heldur ekki bara fram hjá með því að hoppa upp í rúm með einhverjum öðrum en maka sínum. Margir eiga það til að halda fram hjá fjárhagslega. Meira »

Misstu 105 kíló á ketó

í gær Það er auðveldara að grennast ef makinn er með manni í liði. Hjón sem byrjuðu á ketó-mataræðinu fyrir ári hafa misst yfir 100 kíló samanlagt. Meira »

Litur ársins 2019 afhjúpaður

í gær Ertu ekki til í að mála stofuna bleikrauða? Litur ársins 2019 er bæði skemmtilegur og hlýr og ákveðið svar við þeim tækniheimi sem við lifum í. Meira »

Gáfnafar skiptir öllu í samböndum

í fyrradag Ef um styttri sambönd eru að ræða kjósa karlmenn heimskari karlmenn ef þær eru fallegar. Til lengri tíma litið vilja bæði konur og karla jafngáfaða maka eða gáfaðri, þó ekki mun gáfaðri. Meira »

Ógnarstór limurinn til vandræða

í fyrradag „Ég er með ótrúlega stórt typpi,“ skrifar maður með óvenjulega stórt typpi og segir það ekkert til að gorta sig af.   Meira »

10 atriði sem gera það auðveldara að vakna

í fyrradag Hættu að ýta á blunda eða skríða aftur upp í rúm eftir fyrstu klósettferð dagsins. Ef fólk vill virkilega vakna þá tapar það ekki á að fara eftir nokkrum skotheldum ráðum. Meira »

Glóðu eins og demantur um jólin

í fyrradag Náttúruleg, bronsuð förðun með áherslu á fallega og ljómandi húð sem hentar fullkomlega fyrir öll jólaboð í ár. Natalie Kristín Hamzehpour förðunarmeistari gefur góð ráð. Meira »

Google getur ekki lagað hjónabandið

15.12. „Google á ekki maka eða barn svo ekki er hægt að ganga að traustum upplýsingum þar. Það er mjög gefandi að deila með körlum hvað rannsóknir sýna skýrt hve miklu máli þeir skipta fyrir parsambandið og fyrir barnauppeldi. Það sem karlar vilja vita eru vísindalega sönnuð leyndarmál um samskipti kynjanna sérstaklega sett fram fyrir karlmenn,“ segir Ólafur Grétar. Meira »

Frábærar gjafir fyrir níska Jóakima

15.12. Það þekkja allir einn Jóakim, einstakling sem elskar að spara, safna peningum og jafnframt erfitt að gera til geðs. Vanda þarf því gjafavalið sérstaklega. Meira »

Fjölmenntu á Jacobsen Loftið

14.12. Nýrri skartgripalínu Orrifinn var fagnað á Jacobsen Loftinu í gær. Fólkið á bak við Orrifinn eru þau Helga Guðrún Friðriksdóttir og Orri Finnbogason. Halla Þórðardóttir mætti í boðið og framdi gjörning við tónverk eftir Daníel Ágúst Haraldsson. Meira »

Tapaði ég peningunum á Karolina Fund?

14.12. „Vorið 2017 „keypti ég“ tvær bækur á hópfjármögnun á Karolina Fund eða rúmlega 14.000 krónur og var lofað plakati með, penna og boð í útgáfuhóf. Bókin átti að koma út um haustið en hefur ekki ennþá komið út. Hvernig virkar svona, er hægt að fá endurgreitt eða eru þetta bara tapaðir peningar?“ Meira »

Melania litaði hárið ljóst fyrir jólin

14.12. Netverjar spurðu sig hvort forsetafrúin væri að safna í hárkollu fyrir eiginmann sinn en Donald Trump er þekktur fyrir óvenjuþykkan og -ljósan makka miðað við aldur. Meira »

Lærði að elska upp á nýtt á Tenerife

14.12. „Þetta ár er búið að vera lagskipt. Hófst með skilnaði, sagði upp á Rás 2, flutti til Tenerife þar sem margt gott hefur gerst. Einnig hafa komið hér erfiðir tímar og þá helst er ég var fluttur nær dauða en lífi á sjúkrahús. Ég fékk blæðandi magasár,“ segir Guðni Már. Meira »

Húsið sem Ármann færði yfir á konuna

14.12. Ármann Þorvaldsson skráði einbýlishús þeirra hjónanna, Dyngjuveg 2, á eiginkonu sína, Þórdísi Edwald árið 2011 eða 18. apríl það ár. Meira »

Var 100 kíló en keppir nú í fitness

14.12. Lilja Ingvadóttir var um 100 kg fyrir áratug þegar hún ákvað að taka sig taki. Í dag er hún á fullu að undirbúa fitnessmótið Iceland Open sem fram fer á laugardaginn. Meira »

Þurfti rútu fyrir kjólinn

13.12. Jennifer Lopez mætti í bleiku skrímsli á rauða dregilinn. Slóði kjólsins var svo stór að stjarnan gat ekki mætt á frumsýningu í hefðbundinni lúxusbifreið. Meira »

Bullandi stemming í ICE HOT-veislu

13.12. Listafólk kom saman og skemmti sér þegar opnunarhátíð norræna danstvíæringsins ICE HOT Nordic Dance Platform fór fram í Borgarleikhúsinu á miðvikudagskvöldið Meira »
Meira píla