Ösp gefur ráð til að fá ekki flensu

Ösp Viðarsdóttir, næringaþerapisti hjá Heilsu.
Ösp Viðarsdóttir, næringaþerapisti hjá Heilsu.

Nú er einn mesti flensutími ársins að fara í hönd. Ösp Viðarsdóttir, næringarþerapisti hjá Heilsu, segir að það skipti mestu máli að fara vel með sig og borða hollan mat. Hún mælir með því að fólk borði ávexti og grænmeti í öllum regnbogans litum til að fá sem mesta breidd næringarefna á hverjum degi. Auk þess mælir hún með því að fólk mæti ekki í vinnuna þegar það er með flensu. 

„Einnig er gott að lágmarka sykurneyslu, hreyfa sig reglulega og hvílast nóg. Streita og svefnleysi veikja varnirnar okkar. Svo skiptir höfuðmáli að meltingin sé í lagi. Ef meltingarvandamál eru til staðar þarf að huga að því. Stór hluti ónæmiskerfis okkar er í meltingarveginum og þarmaflóran þarf að vera sterk. Svo bara þetta klassíska, handþvottur og að halda sig heima þegar fólk er veikt. Það er ekkert töff að mæta veikur í vinnuna þótt það séu alveg ótrúlega margir sem gera það, ég hef gert það sjálf. Við höldum alltaf að við séum svo ómissandi. Það er engin töfralausn í þessu frekar en öðru, þetta snýst allt um jafnvægi,“ segir Ösp.  

Er eitthvað sem fólk getur gert þegar flensan er mætt?

„Hvíld er það allra mikilvægasta en það eru ýmis ráð sem hægt er að nota til að létta aðeins á vanlíðan.“

Hún mælir með því að fólk sjóði vatn og setji piparmyntu eða eucalyptus-ilmkjarnaolíu út í og andi að sér gufunni með handklæði yfir hausnum.

„Þetta getur létt á stíflum og öndun. Líka gott að hafa ilmolíulampann í gangi með þessum olíum eða setja einn dropa undir nefið.“

Hún mælir líka með saltvatnsúða eða „neti pot“-nefskolun sem geta létt á þrýstingi og stíflum í nefi og kinnholum. 

„Þetta er sérstaklega mikilvægt fyrir fólk sem er gjarnt á að fá sýkingar á þessi svæði.“

Engiferte er gott við flensunni.
Engiferte er gott við flensunni.

Ösp segir að fólk þurfi að drekka nóg vatn og jurtate og þá sérstaklega engiferte með smá hunangi því það fer vel í sáran háls. 

„GSE-hálsspreyið sem fæst í apótekum er það allra besta sem ég hef prófað við hósta og særindum í hálsi. Linar ertingu samstundis, mæli heilshugar með því. Og svo skiptir næring einnig máli. Matarmiklar súpur eru rosalega góður kostur, léttar í magann og auðmeltar en geta verið gríðarlega næringarríkar. Þegar ég verð veik passa ég alltaf að eiga nóg af eplum. Hef alltaf lyst á þeim sama hvað. Mikilvægt að reyna að halda sig sem mest í hollustunni, það styrkir okkur betur en nammipokinn.“

Hvernig er best að ná flensunni úr sér?

„Þegar flensan er komin er lítið annað hægt að gera en hvíla sig og bíða. Hún gengur yfirleitt yfir á 7-10 dögum. Best að vera bara heima og reyna að hafa ekki áhyggjur af öllum verkefnunum sem bíða. Bara leyfa þessu að hafa sinn gang. Heilsan er mikilvægari en vinnan, það er bara þannig. Ekki fara í ræktina og reyna að pína úr þér pestina. Það getur bara gert illt verra auk þess sem þú ert auðvitað smitberi, það vill enginn sjá þig í ræktinni með flensu.“

Hvaða vítamíni mælir þú með til þess að minnka líkur á flensu?

„D-vítamín er sennilega það helsta. Okkur hér á norðurhveli skortir það oft og það er mjög mikilvægt fyrir ónæmiskerfið, og margt annað auðvitað. Gott er að fá blóðprufu til að kanna stöðuna og haga svo inntöku eftir niðurstöðunum. Flestum veitir ekkert af því að taka inn D-vítamín árið um kring eða því sem næst. 1000-2000 AE ættu að mæta þörfum flestra.

Annað er bara einstaklingsbundið. Sem dæmi er mikilvægt að fylgjast með járnstöðu. Járnskortur getur veikt ónæmiskerfið og því er mikilvægt fyrir fólk að taka það inn ef þörf er á. 

Svo fer þetta auðvitað eftir mataræði og lífsstíls hvers og eins. Ef mataræðið er einhæft, þú borðar lítið grænmeti og mikið af ruslfæði er næsta víst að einhver næringarefni skorti. Þá getur verið góð hugmynd að taka gott fjölvítamín eða einhverja næringaruppbót.“

mbl.is

Egill er fluttur eftir 37 ár í gamla húsinu

05:30 Egill Ólafsson flutti nýlega í útsýnisíbúð við sjóinn eftir að hafa búið í sama húsinu í 37 ár. Í dag býr hann á þremur stöðum, í 101, í bát og í Svíþjóð. Meira »

5 mistök sem fólk sem vill léttast gerir

Í gær, 23:00 Ef markmiðið er að léttast er best að byrja á mataræðinu enda gerist lítið ef mataræðið er ekki í lagi, jafnvel þótt þú hamist í ræktinni. Meira »

Fáðu tónaða handleggi eins og Anna

Í gær, 20:31 Anna Eiríksdóttir er þekkt fyrir sína vel þjálfuðu og tónuðu handleggi. Hér sýnir hún hvernig hún fer að því að láta þá líta svona út. Meira »

Hildur Eir og Heimir skilin

Í gær, 16:57 Hildur Eir Bolladóttir prestur í Akureyrarkirkju og eiginmaður hennar, Heimir Haraldsson, eru skilin. Hún greinir frá því á Facebook-síðu sinni. Meira »

Útvaldar máluðu Omaggio-vasa

Í gær, 15:00 Nokkrar útvaldar smekkskonur mættu í Epal í Skeifunni og gerðu sína eigin útgáfu af einum vinsælasta vasa landsins, Omaggio-vasanum frá Kähler. Reyndi á listræna hæfileika kvennanna enda erfiðara að mála rendurnar frægu á vasana en fólk heldur. Meira »

Hátíðalína Chanel fær hjartað til að slá

Í gær, 13:30 Meira er meira að mati Chanel fyrir jólin en hátíðarlína franska tískuhússins í ár nefnist Le Libre Maximalisme de Chanel. Innblástur förðunarlínunnar er sóttur í stjörnumerki Gabrielle Chanel, ljónið, og einkennast litirnir af djúpum gylltum og málmkenndum tónum. Meira »

Fór úr sínu versta formi yfir í sitt besta

Í gær, 10:03 Díana Hrund segir líklegt að hún hefði verið löngu búin að gefast upp á lífstílsbreytingu sinni ef hún hefði mælt árangurinn á vigtinni. Meira »

Fröken Fix hannaði eldhúsið

í gær Sesselja Thorberg, innanhússhönnuður og eigandi Fröken Fix, hannaði eldhús fyrir fjölskyldu í Reykjavík. Hún segir að eldhúsið sé blanda af nokkrum þáttum. Meira »

10 atriði sem menn ljúga um á stefnumótum

í fyrradag Það er ekki sniðugt að ljúga um hjúskaparstöðu á stefnumótum en fjölmargir karlar eru sekir um þá lygi. Enn fleiri hafa þó logið til um fjölda rekkjunauta. Meira »

Á ég að stofna fyrirtæki eða ekki?

í fyrradag „Núna stend ég á krossgötum þar sem ég er að klára háskólanám í desember og hef lengi vel verið með þá flugu í hausnum að stofna fyrirtæki. Núna er flugan farin að fljúga hraðar þar sem við erum núna tveir úr náminu sem erum að hugsa um að stofna fyrirtæki saman, og hugmyndin því komin skrefinu lengra.“ Meira »

Sprautaði barnaolíu í varirnar

í fyrradag Barbie-fyrirsætan Kerry Miles er ekki hætt að fara í fegrunaraðgerðir þrátt fyrir að barnaolíu var sprautað í varir hennar.   Meira »

Ert þú með einkenni vinnustress?

í fyrradag „Fólk gengur um með vinnusíma þar sem tölvupósturinn dettur inn allan daginn. Með tilkomu snjallsímanna getur „netrúntur“ í símanum hreinlega orðið að áráttu eða fíkn. Margir hafa tilhneigingu til að „athuga“ í sífellu hvort eitthvað hafi gerst og áður en þeir vita af er vinnupósturinn orðinn fastur liður í netrúntinum, líka þegar heim er komið.“ Meira »

Komdu í veg fyrir að þykkna um jólin

í fyrradag „Við könnumst flest við að borða aðeins of mikið yfir jólahátíðina. Þetta einfalda ráð sem ég ætla að deila með þér í dag gæti verið lausnin til að fyrirbyggja ofát og sleppa þannig við aukakílóin og slenið sem því fylgir,“ segir Júlía. Meira »

Forsetafrúrnar flottar í tauinu

14.11. Brigitte Macron og Melania Trump hittust um síðustu helgi í sínu fínasta pússi. Sú franska var töff að vanda en frú Trump í öllu hefðbundnari klæðnaði. Meira »

Hversu oft á að stunda kynlíf?

13.11. Er ég að stunda nógu mikið kynlíf? Þetta er spurning sem fólk veltir fyrir sér hvort sem það er hamingjusamt eða ekki.   Meira »

Simbi framfleytti sér með glæpum

13.11. Sigmundur Geir Helgason, Simbi, væri líklega ekki á lífi í dag ef hann hefði ekki komist í meðferð í Hlaðgerðarkoti fyrir tæpu einu og hálfu ári. Hann framfleytti sér með glæpum um árabil. Meira »

Fóru í hjónabandsráðgjöf

13.11. Michelle Obama segir að hún og Barack Obama vinni í sambandi sínu og það sé eðlilegt að vilja fara frá maka sínum.   Meira »

Sagan hennar Sunnu Elvíru

13.11. Sunna Elvíra Þorkelsdóttir komst í fréttir í byrjun árs þegar hún féll á milli hæða á heimili sínu á Spáni 19. janúar. Hún lamaðist í slysinu og mun aldrei geta gengið aftur. Meira »

Gjörbreytti borðstofunni fyrir 40.000

13.11. Inga Rut Pétursdóttir fékk alveg nýja borðstofu fyrir 40.000 krónur. Hún málaði í litnum Djúpur sem er litur úr litakorti Sæju hjá Slippfélaginu. Meira »

83 milljóna útsýnisíbúð í Garðabæ

13.11. Við Löngulínu í Garðabæ stendur ákaflega falleg 138 fm íbúð á besta stað við sjóinn. Íbúðin er smekklega innréttuð.   Meira »

Komst yfir sjálfsvígshuganirnar

13.11. Bill Lokey segir frá reynslu sinni þegar hann var við það að taka eigið líf. Hann segir að það sé hægt að komast yfir þá reynslu. Meira »