Ögmundur Þorgrímsson er nýjasti viðmælandi hlaðvarpsins Sterk saman. Hann talar um rannsókn sem hann gerði í meistaranámi sínu í félagsráðgjöf. Rannsóknin nefnist Aðgerðir stjórnvalda til að hefta neyslu ólöglegra vímuefna: Áhrif þeirra á einstaklinga innan íslensks samfélags.

Rannsóknin sýnir svart á hvítu að aðgerðir yfirvalda eru ekki einungis gagnslausar heldur beinlínis skaðlegar fyrir einstaklinga og samfélagið í heild.

Ögmundur talar um sláandi niðurstöður þar sem lögreglan leitar að ólöglegum vímuefnum á einstaklingum og hvernig áhrif það hefur á þá einstaklinga, hvort sem vímuefni finnist í fórum viðkomandi eða ekki. Margt áhugavert kemur fram í rannsókn Ögmundar sem erlendar rannsóknir hafa einnig sýnt fram á. 

„Mér finnst ótrúlega sérstakt hvernig ákvörðunin um ólögleg vímuefni virðist hafa verið tekin. Þetta er einfaldlega pólitísk strategía og eins og einhver geðþóttaákvörðun, engin rök og engin vísindi. Áfengi er löglegt, allt annað jafn hættulegt og ólöglegt, af því bara,“ segir hann. 

Ögmundur segir að breyta þurfi því hvernig stjórnvöld nálgist vímuefnavanda þjóðarinnar og bann- og refsistefnan virki augljóslega ekki sem skyldi. 

Hægt er að hlusta á þáttinn í heild sinni á hlaðvarpsvef mbl.is. 

Tengdar fréttir

Sterk saman

„Ég sagði að ég myndi hengja mig á lóðinni hjá þeim ef ég kæmist ekki inn“

• „Ég man ekkert en var öll marin og illt allstaðar“
• „Mér fannst ég ömurleg og leitaði strax aftur þá í djammið“
• „Þegar ég var átta ára hvarf mamma alveg og ég sá hana ekki í mörg ár“
• Bjarkey á tvær eins skyrtur í sitthvorum litnum

» Fleiri tengdar fréttir

• Blogga um frétt