Ragnhildur Steinunn selur íbúðina

Sjónvarpskonan Ragnhildur Steinunn Jónsdóttir hefur sett íbúð sína og unnusta síns, Hauks Inga Guðnasonar, við Marargötu í Reykjavík á sölu. Íbúðin er í reisulegu húsi sem byggt var 1931 og er íbúðin 79 fm.

Íbúðin er sérstaklega vönduð og falleg en á gólfunum er parket með fiskibeinamunstri og sjarmerandi gamlir gluggar.

Parið hefur nú þegar fest kaup á einbýli í Vesturbænum svo það fari betur um ört stækkandi fjölskyldu en Ragnhildur Steinunn og Haukur Ingi eiga von á sínu öðru barni í haust. Fyrir eiga þau dótturina Eldeyju sem er tveggja ára.