Gyllt eldhús í hringlaga húsi

Á eynni Møn í Danmörku stendur fallegt hús eftir Danann Jan Henrik Jansen. Húsið samanstendur af nokkrum hringjum og sker sig frá öðrum húsum en fellur þó vel inn í náttúruna. 

Møn er vinsæll staður meðal ferðamanna og er örugglega yndislegt að slaka á í dönsku sveitasælunni í húsinu. Húsið er falið á milli trjáa stutt frá ströndinni og hleypa stórir gluggar umhverfinu inn í húsið. 

Gyllt er áberandi og gegnumgangandi í annars einfaldri innanhúshönnuninni hvort sem það eru gyllt ljós, gyllt eyja, baðveggur eða blöndunartæki.