Enginn byrjendabragur er á heimili Cöru Delevingne í Vestur-London þó svo að fyrirsætan sé bara 25 ára. Innlit á heimili hennar í birtist á Architectural Digest og er heimilið dásamlegt og litríkt.
Tom Bartlett, stofnandi Waldo Works, sá um að hanna íbúðina í samstarfi við fyrirsætuna en Bartlett er fjölskylduvinur Delevingne. Íbúðin er hönnuð með það í huga að ungur einstaklingur sem ferðast mikið búi þar. Hægt er að bjóða mörgum í bíókvöld en einnig auðvelt að búa til pláss á gólfinu fyrir gott partý.
Íbúðin er einstaklega litrík og má sjá stór ljós sem mynda orðin „love“ og „fries“ eða ást og franskar eins og það myndi útleggjast á íslensku. Í borðstofunni eru margir litríkir stólar af hinum ýmsu gerðum.
Hér má skoða umfjöllun Architectural Digest um íbúðina.