Fréttamaðurinn skeleggi Jóhann Bjarni Kolbeinsson og sambýliskona hans, Eyrún Björk Jóhannsdóttir flugfreyja og stjórnmálafræðingur, hafa sett fallega íbúð sína í Laugardalnum á sölu. Jóhann Bjarni og Eyrún Björk eiga von á sínu þriðja barni og eru að stækka við sig.
Íbúðin sem er 142,5 fermetrar var tekin í gegn fyrir nokkrum árum og voru meðal annars sniðugar skipulagsbreytingar gerðar á henni. Eldhúsið var fært og því sem áður var eldhús breytt í svefnherbergi. Fyrir vikið myndast skemmtilegt og opið rými þar sem eldhús, borðstofa og stofa mætast. Yfir borðstofuborðinu fá svo falleg hangandi ljós eftir Tom Dixon að njóta sín.