Svona býr Anne Hathaway

Leikkonan Anne Hathaway og eiginmaður hennar, Adam Shulman, búa í húsi í Kaliforníu sem líkist einn helst svissneskum fjallakofa. Hjónin eru langt frá því að vera einu stjörnurnar sem hafa átt húsið en á vef Architectural Digest má sjá innlit í húsið. 

Franski fatahönnuðurinn Yves Saint Laurent átti eignina einu sinni sem og leikstjórinn Wes Anderson. Hathaway og Shulman fengu þó arkitekt til liðs við sig þegar þau festu kaup á eigninni og tókst afar vel til.

Viður fær að njóta sín á veggjum sem og múrsteinar. Í sumum herbergjum er viðurinn málaður en arkitektinn segir hjónin ekki vera hrædd við bleika litinn sem má sjá í ýmsum tónum í húsinu. 

Húsið er mjög notalegt eins og sjá má á myndum af samfélagsmiðlum hér fyrir neðan.

Myndin birtist á Instagram-síðu Architectural Digest og sýnir fallegt handverkið á heimili hjónanna. skjáskot/Instagram

• Blogga um frétt