Við Laufengi í Grafarvogi stendur afar hugguleg 85,7 fm íbúð sem búið er að endurnýja mikið. Íbúðin stendur í húsi sem byggt var 1992 og hefur verið nostrað við íbúðina.
Í eldhúsinu er hvít innrétting úr IKEA og hvítar borðplötur. Eldhúsið er opið inn í stofu og er tangi við endann á innréttingunni. Gott skipulag er í eldhúsinu.
Á íbúðinni er nýlegt parket og eru innihurðir og fataskápar lakkað í svörtum möttum lit sem er svo móðins núna.
Á baðherberginu er ný innrétting og flísar og inn af baðherberginu er þvottahús sem er mjög vel skipulagt.
Eins og sjá má á myndunum er húsgögnum raðað upp á smekklegan hátt.