HönnunarMars með breyttu sniði í júní

HönnunarMars 2020 frestað frá mars fram í júní vegna kórónuveirunnar. Stjórnendur hátíðarinnar hafa fylgst grannt með öllum vendingum er varða samkomubann, fjöldatakmarkanir, möguleika á ferðalögum til og frá landinu og breytt áætlunum um hátíðina jafnóðum eftir því sem fréttir berast. Í ár mun hátíðin fara fram með breyttu sniði. 

„Á hátíðinni leiðir framsækin hönnun og nýjungar saman sýnendur og gesti.
HönnunarMars boðar nýjungar og óvænta nálgun. Hátíðin er lífleg höfn
hugmynda, ólíkra sjónarmiða og þekkingar, hreyfiafl sem auðgar og bætir samfélagið.

Öll áhersla verður lögð á sýningar og sýnendur og um leið upplifun og öryggi gesta. Unnið verður að því að miðla sýningum og innihaldi þeirra hér á landi og erlendis m.a. í samstarfi við Íslandsstofu. Að gefnu tilefni munu stórir og mannmargir viðburðir sem hafa verið fastir liðir hátíðarinnar eins og opnunarhóf, DesignTalks, DesignDiplomacy og
DesignMatch bíða til ársins 2021,“ segir í fréttatilkynningu frá HönnunarMars. 

• Blogga um frétt