Sól­veig Andrea Jóns­dótt­ir út­skrifaðist sem inn­an­húss­arki­tekt frá Istituto Super­i­ore di Archit­ettura e Design í Mílanó árið 1998. Í dag starfar Sólveig sjálfstætt, hún elskar að ráða tíma sínum sjálf og hjálpa viðskiptavinum sínum við að gera heimili þeirra fallegri. 

„Heim­ilið mitt er hlý­legt, mér líður best þegar það er mik­il hreyf­ing í hús­inu. Krakk­arn­ir með vini sína heima eða fjöl­skyld­an í mat,“ seg­ir Sól­veig þegar hún er beðin um að lýsa sínu heim­ili. Hún segir þó alltaf gott að fá ró og næði inn á milli. Þá finnst henni best að hreiðra um sig í stofu­sóf­an­um. Í sóf­an­um finnst henni gott að fara yfir dag­inn með kaffi­bolla í hend­inni. 

Sól­veig Andrea seg­ir að heim­ili henn­ar end­ur­spegli ekki endi­lega það sem hún hann­ar fyr­ir viðskipta­vini sína. 

„Hönn­un­in endu­spegl­ar kúnn­an, það er hann sem ræður ferðinni. Ég aðstoða við að ná sem bestu út úr hverju verk­efni fyrir sig með fag­legri aðstoð og auðvitað hafa viðskipta­vin­irn­ir mikið um þetta að segja.“

Sólveig segir plöntur og blóm lífga upp á heimili. Lampinn er úr IKEA. mbl.is/Eggert Jóhannesson

Fólk er með hugann við heimilið

Sól­veig seg­ir að kór­ónu­veir­an hafi ekki haft mik­il áhrif á henn­ar stétt. Ástæðan er ein­föld – fólk er mun meira heima hjá sér þessi misserin og er ekki að ferðast. Þar af leiðandi er meiri áhersla á lögð á heimilin. 

„Fólk er að taka í gegn hjá sér sér eld­hús og baðher­bergi, það sem löngu var kominn tími á en hef­ur ekki verið tími í. Fólk hef­ur kannski notað „Spánar­pen­ing­ana“ í eld­húsið. Ég held að við höf­um verið það mikið inni í „COVID“ og dag­arnir snér­ust um hvað ætti að vera í mat­inn. Það hef­ur verið mik­il bið eft­ir inn­rétt­ing­um á smíðaverk­stæðum og í versl­un­um enda mikið að gera hjá öll­um í þess­um geira.

Eins var ekki hægt að koma eins miklu til lands­ins af hús­gögn­um og öðrum vörum, svo komu sum­ar­frí inn í. Þegar löndin opnuðu loks­ins hafði mynd­ast smá bið eft­ir hús­gögn­um og öðru. En það er allt að komast á rétta braut núna og búðir ná að sinna eft­ir­spurn. Þetta hef­ur verið mjög skemmti­leg­ur tími og fólk hef­ur verið til­búið með öll­um ráðstöf­un­um og tveggja metra regl­unni að fá mig inn á heim­ili sín til að aðstoða sig. Mér finnst mjög gam­an að koma í inn­lit hjá fólki og ráðleggja þeim – ég elska að koma inn á heim­ili og hitta skemmti­legt fólk.“

Sólveig Andrea er mikil kertakona og er haustið hennar uppáhaldstími. Sófinn er frá Tekk/Hbitat. mbl.is/Eggert Jóhannesson

Hvað straum­ar eru að koma sterk­ir inn í vet­ur? 

„Sterk­ir straum­ar í vet­ur eru klár­lega heit­ir lit­ir, hlýj­ir jarðtón­ar og jarðlit­ir. Beis er klár­lega lit­ur­inn sem verður í vet­ur og er þegar kominn inn á mjög mörg heim­ili. Bra­ve lit­ur­inn frá Sér­efni er lit­ur árs­ins og er mjög fal­leg­ur. Við erum að fara úr köld­um grá­um lit­um sem eru bún­ir að vera svo lengi og erum að gera heim­ili okk­ar hlý­legri. Íslend­ing­ar eiga svo fal­leg heim­ili, hugsa vel um þau og eru klár­lega með á nót­un­um með það nýj­asta. Svart­ar inn­rétt­ing­ar og marm­ara borðplöt­ur hafa verið mjög vin­sæl­ar lengi. Þær eru enn inni enda svart alltaf í tísku og klass­ísk­ur lit­ur. Þá er ég að tala um svart­bæsaða eik sem ég er hrifn­ari af en al­veg svörtu, mér finnst fal­legra þegar viðurinn sést. Það er líka mikið verið að taka súkkulaðibrún­ar inn­rétt­ing­ar.

Íslend­ing­ar eru að setja sinn per­sónu­lega stíl á heim­il­in sín og blanda sam­an hlýj­um tón­um við þetta svarta. Bast er mikið í tísku núna og ég per­sónu­lega elska bast. Svo er haustið að ganga í garð sem er minn uppáhaldstími. Ég er mik­il ker­ta­kona og elska þegar það er ekki bjart all­an sóla­hring­in,“ segir Sólveig.

Sólveig Andrea innanhússarkitekt hannaði fallegt opið eldhús á Tómasarhaga. Ljósmynd/Guðfinna Magnúsdóttir

Ljósmynd/Guðfinna Magnúsdóttir

Eldhúsin vinsæl

Sólveig segir vinsælt að gera upp eldhús og eru opin eldhús málið í dag. 

„Gott nútímaeldhús þarf að henta fjölskyldunni. Stórar eyjur þar sem öll fjölskyldan getur komið saman eru mjög vinsælar. Mjög vinsælt er að setja tækjaskáp í eldhúsið til að loka af tæki. Einnig þarf að vera þægilegt að vinna í eldhúsinu.“

Marmari er áberandi í efnisvali í eldhúsum í dag og reyndar á baðherbergjum líka.

„Marmaraútlitið og marmari er alltaf vinsælt. Enda efni sem er alltaf fallegt og eldist mjög vel. Það er komið svo miklu meira úrval af marmara hjá þeim í Granítsmiðjunni og svo er fallegt að toppa eldhúsið með fallegri borðplötu.“

Hér mætir dökk eikarinnrétting ljósum steini í eldhúsinu. Ljósmynd/Guðfinna Magnúsdóttir

Þegar stórar ákvarðanir eins og að gera upp eldhús eru teknar er gott að fá fagaðila í verkið. 

„Ég mæli alltaf með því að láta fagaðila sjá um verkið og fá sér inn­an­hús­arki­tekt til að skoða bestu út­færsl­una. Það er ekki ódýrt að skipta um eld­hús­inn­rétt­ingu hjá sér, þetta er oft hjartað á heimilinu og það rými sem er mest notað. Við erum ekki að fá okk­ur nýja inn­rétt­ingu dag­lega. Inn­rétt­ing­arn­ar þurfa að vera tíma­laus­ar og hægt að vinna með þeim ef maður vill breyta hjá sér,“ segir Sólveig og bendir á að það sé til dæmis hægt breyta góðum innréttingum seinna meir með því að skipta um borðplötu, skipta um hurðar, filma eða mála.“

Sólveig Andrea segir tækjaskápar eins og má sjá í þessu eldhúsi í Kópavogi vinsæla. Ljósmynd/Guðfinna Magnúsdóttir

Að lokum segir Sólveig að það sé auðveldlega hægt að lífga upp á heimili án þess að fara út í stórar framkvæmdir. 

„Það er alltaf auðveld­ast að mála ef maður vill breyta hjá sér og það er jafnframt ódýr­asta leiðin. Nýj­ir púðar og gard­ín­ur geta gert krafa­verk ef að maður er orðin þreytt­ur á stof­unni hjá sér,“ segir Sólveig sem er spennt fyrir vetrinum og öllum þeim fjölbreyttu verkefnum sem hún er að vinna að.

Lítið fer fyrir höldum en þær eru fræstar í innréttinguna. Ljósmynd/Guðfinna Magnúsdóttir

Tengdar fréttir

Heimili

159 milljóna funkíshús eftir Kjartan Sveinsson

• Valgerður hefur tvisvar keypt sama húsið sem nú er komið á sölu
• Bústaður biskups seldur á 360 milljónir
• Áshildur keypti íbúð Björns Zoëga
• Félag viðskiptakonu keypti bústað biskups

» Fleiri tengdar fréttir

Hugmyndir fyrir heimilið

Ísold og Una selja íbúðina í Álfheimum

• Tignarlegt útsýnishús við Elliðaárdal með tveimur aukaíbúðum
• Liverpool-aðdáendur selja 225 milljóna sumarhöll í Húsfelli
• 147 fm af ekta skandinavískum stíl í Kaupmannahöfn
• Langar þig að búa í Undralandi?

» Fleiri tengdar fréttir

Hönnun

Tignarlegt útsýnishús við Elliðaárdal með tveimur aukaíbúðum

• Liverpool-aðdáendur selja 225 milljóna sumarhöll í Húsfelli
• 147 fm af ekta skandinavískum stíl í Kaupmannahöfn
• 280 milljóna einbýlishús í Fossvogi vekur athygli
• Langar þig að búa í Undralandi?

» Fleiri tengdar fréttir

• Blogga um frétt