Stjörnuparið Jennifer Lopez og Ben Affleck eru sögð vera að leita sér að nýju heimili saman. Tæpt ár er síðan að stjörnurnar byrjuðu að stinga saman nefjum aftur og vilja þau stíga næsta skref saman og flytja inn saman. Það er hins vegar ekki auðvelt að gera stjörnunum til geðs. 

Það þarf að vera pláss fyrir alla á heimilinu en Lopez á tvö börn og Affleck þrjú börn. Fram kemur á vef Us Weekly að parið sé enn að leita að draumahúsinu og þau séu með stjörnukröfur. Lopez er sögð vera sérstaklega kröfuhörð og vill ógnarstórt hús.

„J.Lo elskar stórt hús og vill að það sé nógu mikið pláss fyrir fjölskylduna sem kemur í heimsókn,“ segir heimildarmaðurinn og bætir við að húsið þarf að vera með hliði og fjölskyldan þarf að geta verið í friði í húsinu. 

Það sem er á kröfulista söngkonunnar er snyrtistofa, heilsulind og risastórt fataherbergi. Einnig þarf að vera góð baðherbergi fyrir hann og hana. Tvö eldhús eru einnig á lista Lopez og auðvitað sundlaug, gestahús og skrifstofa. 

„Þetta eru miklar kröfur en þau vonast til að finna eitthvað fljótlega,“ sagði heimildarmaðurinn. 

Stjörnuparið Ben Affleck og Jennifer Lopez leita að húsi fyrir fjölskylduna. AFP/VALERIE MACON

Tengdar fréttir

Bennifer

Segir allt í lagi með Affleck

• Eru vandamál í paradís Afflecks og Lopez?
• Brúðkaupsferð í borg ástarinnar
• Komin aftur í vinnuna eftir brúðkaup
• Birtir myndir úr brúðkaupinu

» Fleiri tengdar fréttir

• Blogga um frétt