Á fasteignavef mbl.is er fjölbreytt úrval af sumarhúsum til sölu um allt land. Húsin eru í öllum stærðum og gerðum, allt frá því að vera lítil krútthús yfir í gríðarstórar lúxusvillur, og kosta frá 3,5 milljónum og upp í 139 milljónir.

Smartland tók saman lista yfir sumarhús sem kosta yfir 100 milljónir, en þau eiga það öll sameiginlegt að vera af glæsilegri gerðinni.

Höfðabyggð – 139.000.000 kr. 

Í Lundaskógi í Fnjóskadal er til sölu glæsilegt 138 fm sumarhús á tveimur hæðum sem reist var árið 2022. Húsið er fallega hannað bæði að innan og utan, en Valbjörn Vilhjálmsson er hönnuður hússins á meðan Sæbjörg Guðjónsdóttir innanhússhönnuður, eða Sæja eins og hún er jafnan kölluð, sá um hönnunina að innan. 

Frétt af mbl.is

160 milljóna lúxushús í Fnjóskadal

Sjá á fasteignavef mbl.is: Höfðabyggð

Húsið er einkar fallega hannað og ekki skemmir umhverfið fyrir! Samsett mynd

Torfastaðakot 17 – 130.000.000 kr. 

Í landi Torfastaða í Bláskógabyggð er til sölu flottur 147 fm sumarhús á einni hæð sem reist var árið 2022. Góð lofthæð og stórir gluggar gefa eigninni sjarmerandi yfirbragð, en við húsið er 130 fm sólpallur sem snýr í suður með heitum potti sem rúmar allt að átta manns. 

Sjá á fasteignavef mbl.is: Torfastaðakot 17

Við húsið er bæði saunaklefi og heitur pottur. Samsett mynd

Víðibrekka 21 – 129.000.000 kr.

Við Víðibrekku í Grímsnesi er til sölu sjarmerandi 174 fm sumarhús á tveimur hæðum sem reist var árið 2008. Umhverfis húsið er stór pallur sem var stækkaður árið 2020, en þar má finna nýlegan heitan pott og saunu með glæsilegu útsýni.

Sjá á fasteignavef mbl.is: Víðibrekka 21

Húsið stendur á fallegri 7.730 fm eignarlóð. Samsett mynd

Birkihlíð 5 – 128.000.000 kr.

Við Birkihlíð í Hvalfjarðarsveit er til sölu stílhreint 150 fm sumarhús á einni hæð sem reist var árið 2023. Húsið er innflutt frá Litháen og státar af mikilli lofthæð og gólfsíðum gluggum sem hleypa mikilli birtu inn. 

Sjá á fasteignavef mbl.is: Birkihlíð 5

Frá borðstofu er útgengt á 189 fm viðarverönd um stóra rennihurð. Samsett mynd

Indriðastaðahlíð 168 – 115.000.000 kr. 

Við Indriðastaðahlíð í Skorradal er til sölu tignarlegt 197 fm sumarhús á tveimur hæðum sem var byggt árið 2010. Húsið stendur hátt í hlíðinni og státar af fallegu útsýni um Skorradal, til Snæfellsjökuls, upp í Skarðsheiðina og að Skessuhorni.

Sjá á fasteignavef mbl.is: Indriðastaðahlíð 168

Á neðri hæð sumarhússins er meðal annars bílskúr sem hentar vel sem golfbílageymsla. Samsett mynd

Tengdar fréttir

Heimili

5 heillandi eignir í Reykjavík sem kosta undir 90 milljónir

• Jakob og Sólveig selja í Vesturbænum
• Hönnun Rutar Káradóttur ræður ríkjum í Fossvogi
• Jón Jónsson og Hafdís selja 182 milljóna einbýli
• Rakel og Pálmi Guðmunds selja lekkera íbúð á besta stað

» Fleiri tengdar fréttir

Hugmyndir fyrir heimilið

Jakob og Sólveig selja í Vesturbænum

• Hönnun Rutar Káradóttur ræður ríkjum í Fossvogi
• 10 hlutir sem þú vissir ekki að þú þyrftir í sumar
• Stílhreint 105 fm einbýli í Kópavogi
• 5 sjarmerandi eignir sem kosta undir 55 milljónir

» Fleiri tengdar fréttir

Hönnun

Birgitta Líf mætti með soninn í tískuteiti

• Átt þú feik Knot-púða og langar í ekta?
• Heiðrar íslenska fiskinn á HönnunarMars
• Hvers vegna á að fjárfesta í hönnun?
• Hlaðvarpsstjarna gekk í það heilaga í Mexíkó

» Fleiri tengdar fréttir

• Blogga um frétt