Fjölmiðlamaðurinn Auðunn Blöndal og fótboltamaðurinn Eiður Smári Guðjohnsen voru kátir í Golfklúbbnum Oddi í gær þegar MercedesTrophy golfmótið var haldið af Bílumboðinu Öskju. Mótið er haldið fyrir Mercedez Benz eigendur og áhugamenn um fyrrnefnda bílategund. Þess má geta að Auðunn, eða Auddi eins og hann er kallaður, keyrir um á Mercedes-Benz CLA en Eiður Smári er mjög heitur fyrir Benz.
Sex keppendur unnu sér inn þátttökurétt á MercedesTrophy Reginal Final sem haldið verður í Þýskalandi í júní á næsta ári, en meðal sigurvegara hafi verið Auðunn Blöndal. Spilað var í þremur forgjafarflokkum og hljóta efstu tveir þátttakendur í hverjum flokki þennan heiður. Sigurvegar í mótinu í ár voru Kristján Björgvinsson, Högna Kristbjörg Knútsdóttir, Auðunn Blöndal, María Sigurbjörg Magnúsdóttir, Anna Sigríður Erlingsdóttir og Sveinn Henrysson.
Golfkonan Ólafía Þórunn Kristinsdóttir heilsaði upp á þátttakendur, spilaði með og skoraði á þátttakendur í púttkeppni. Ólafía Þórunn tók út sína refsingu í þau skipti sem aðrir þátttakendur höfðu betur og gerði armbeygjur og magaæfingar.
Umgjörðin á golfmótinu var hin glæsilegasta. Mercedes-Benz bifreiðum var stillt upp víða um völlinn og höfðu þátttakendur tækifæri á að eignast Mercedes-Benz CLA ef þeir næðu að fara holu í höggi á 13. braut
Eftir þetta vel heppnaða golfmót fréttist af þeim félögum, Eið Smára og Audda á Petersen Svítunni þar sem þeir nutu lífsins og alls þess sem það hefur upp á að bjóða.