Kynntu íslenska hönnun í sendiráðinu

Tískuhönnunarfyrirtækið Another Creation hélt sitt fyrsta kynningarboð í London á dögunum. Boðið var haldið í sendiráði Íslands í London og þangað mætti góður hópur fólks úr bresku tísku- og viðskiptalífi.

Aðalhönnuður Another Creation er Ýr Þrastardóttir sem hefur starfað við góðan orðstír á Íslandi undanfarin ár. Another Creation tók m.a. þátt í Reykjavík Fashion Festival 2017 og vakti fatnaður tískuhönnunarfyrirtækisins mikla athygli þar. Nú er stefnan sett á markaðssetningu Another Creation erlendis og var þetta boð liður í þeirri vegferð.