Margrét Zóphóníasdóttir opnaði sýninguna SJÓNARSVIÐ í Gallerí Gróttu á dögunum. Hún lærði í Danmarks Lærerhøjskole, 2000-2001, Danmarks Designskole, 1977-1981 og í Myndlista- og handíðaskóli Íslands, 1975-1977. Hún hefur haldið fjölda sýninga m.a. í Nýlistasafninu, Norræna húsinu, Ásmundarsal, Gerðubergi, Kjarvalsstöðum, í Ásmundarsal og fleiri stöðum. Margrét hefur kennt í myndlistarskólum í Danmörku og á Íslandi. Hún hefur hlotið styrki frá Myndstef og menntamálaráðuneytinu og sótt námskeið og ráðstefnur í tengslum við myndlist.

Myndefni sýningarinnar samanstendur af ýmsum minningum listamannsins og eru málverkin öll unnin með olíu á striga.

Sýningin stendur til 8. apríl 2018.