Þjóðleikhúsið iðaði af lífi og fjöri þegar Stríð eftir Ragnar Kjartansson og Kjartan Sveinsson var frumsýnt. 

Það er óhætt að segja að frumþættir leikhússins séu skrúfaðir í botn í þessu nýja verki. Í verkinu er fullskipuð sinfóníuhljómsveit sem leikur frumsamda tónlist Kjartans og handmáluð leiktjöld eftir Ragnar prýða sviðið. Allt er þetta umgjörð fyrir meginþátt verksins, leikarann að leika; manneskju sem sannlega þykist þjást sem yfirgefinn, deyjandi hermaður í rústum stríðs.