Það var líf og fjör á Jamie´s Italian Iceland þegar iglo+indi í samstarfi við UN Women á Íslandi kynntu glænýja empwr-peysu. Peysan er hönnuð bæði fyrir börn og fullorðna og í ár er hún pastelbleik á litinn. Allur ágóði af sölu á peysunum rennur til neyðarathvarfs UN Women fyrir róhingjakonur á flótta í Bangladess.

empwr stendur fyrir þá valdeflingu og kraft sem róhingjakonur hljóta í neyðarathvarfi UN Women í þessum erfiðu aðstæðum.

Pipar\TBWA og Elísabet Davíðsdóttir gáfu ómetanlega vinnu sína við undirbúning átaksins en Sissa ljósmyndari lánaði ljósmyndastúdíó sitt. Auk þess gaf leikstýran Katla Sólnes vinnu sína við gerð myndbands herferðarinnar. 

Eins og sjá má í boðinu var ekki þverfótað fyrir fólki í bleikum valdeflandi peysum.