Leynipartí Mads Mikkelsen

Á mánudaginn var útvöldum boðið í lítið leynipartý fyrir leikarann Mads Mikkelsen á vinnustofu Steinunnar Sigurðardóttur fatahönnuðar úti á Granda. Mikkelsen var á landinu þar sem hann hlaut heiðursverðlaun á RIFF fyrir framlag sitt til leiklistar. 

Í veislunni gafst Mikkelsen og eiginkonu hans, Hanne Jacobsen, meðal annars tækifæri til þess að blanda geði við íslenskt listafólk. Voru hjónin og gestirnir mjög ánægð með svona lítið lokahóf í lok heimsóknar þeirra. Hjónin höfðu nýtt tímann á milli veisluhalda hjá RIFF vel og farið í þyrluflug um Suðurland og legið í Bláa lóninu í hálfan dag, auk göngutúra um borgina.