Geysir gaf út sitt 7. tölublað á dögunum og var því fagnað með pompi og prakt. Fullt var út úr dyrum í versluninni Geysir karlmenn á Skólavörðustígnum og létu helstu tískuspekúlantar og fagurfræðingar landsins sig ekki vanta. 

Tímaritið sem að þessu sinni fjallar um lífið á Skólavörðustíg hefur komið út árlega í sjö ár og hefur ætíð vakið mikla athygli fyrir fallegar myndir og áhugavert efni. Í ár sáu ljósmyndararnir Silja og Ari Magg um helstu myndaþætti blaðsins. 

Mikið fjör var í búðinni og Reykjavíkurdóttirin Dj Karitas sá um að þeyta skífum og halda uppi stuðinu fram eftir kvöldi.