Hið árlega kvennakvöld Fáks var haldið á laugardaginn. Þemað í ár var sirkus og var öllu til tjaldað og fóru Fákskonur alla leið í búningunum líkt og fyrri ár. Stjórn kvennakvölds Fáks skipa Hrefna María Ómarsdóttir, Gróa Björg Baldvinsdóttir, Vilfríður Fannberg Sæþórsdóttir, Karen Emilía Barrysdóttir Woodrow og Sigríður Pjetursdóttir.
Margrét Erla Maack var veislustjóri en hún bauð dömunum líka upp á sirkuslistir sínar, hnífakast, blöðru-gleypingar, dans og danskennslu. Daníel mætti á svæðið og sýndi sirkuslistir sínar.
Silli kokkur bauð upp á þriggja rétta dýrindis hlaðborð. DJ Atli og Frikki Dór skemmtu svo fólki eins og þeim einum er lagið fram á nótt.
Eins og sjá má á myndunum kunna þessar hestakonur að skemmta sér!