Hlín Reykdal frumsýndi nýja skartgripalínu á dögunum. Línan heitir CRYSTAL CLEAR og er ákaflega falleg. Á sama tíma var ljósmyndum eftir Önnu Maggý fagnað.
Dj dela Rosa þeytti skífum meðan gestir og gangandi fengu ískalt Adobe-hvítvín. Hlín og Anna endurspegla tvo miðla á glitrandi og forvitnilegan hátt. Saman hafa þær unnið náið að litríkum og einstökum ljósmyndum ásamt innsetningu út frá skartgripalínu Hlínar. Báðar hafa þær unnið í tískuheiminum, Hlín sem hönnuður og Anna sem ljósmyndari og stílisti. Sýningarstjóri er Nanna Reykdal. Samstarf þeirra þriggja er listrænt og fallegt.