Systurnar Eik Gísladóttir og Ellý Ármanns kunna að skemmta sér en þær mættu í teiti á Hótel Borg sem lengi verður í minnum haft. Það var fyrirtækið dineout.is sem bauð í þetta glæsiteiti sem haldið var í Karólínusalnum. Góða veðrið laðaði að spariklædda Íslendinga sem voru í mikilli stemningu eins og sést á myndunum.

Prímusmótor fyrirtækisins er Inga Tinna Sigurðardóttir en vefurinn dineout.is hefur verið í þróun síðustu tvö ár. Vefurinn á að einfalda viðskiptavinum að velja sér veitingastað með borðbókun. Er þetta gert á einfaldan og skilvirkan hátt. Inga Tinna setti setti Icelandic Coupons á laggir fyrir fjórum árum.

Eva Ruza var veislustjóri og hélt uppi stuðinu en svo kom líka Ágústa Eva Erlendsdóttir og Gunni Hilmars og sungu guðdómleg lög hljómsveitar sinnar Sycamore Tree.