Fjölmiðlaparið Milla Ósk Magnúsdóttir og Einar Þorsteinsson lét sig ekki vanta þegar nýjasta kvikmynd Hlyns Pálmasonar, Hvítur, hvítur dagur, var frumsýnd í Háskólabíói í gær, þriðjudag. Myndin hefur fengið frábærar viðtökur víða um heim og var ánægja íslenskra áhorfenda ekki síðri á frumsýningunni. 

Kvikmyndin var frumsýnd í Cannes í vor þar sem Ingvar E. Sigurðsson hlaut meðal annars verðlaun leik sinn. Ingvar fer með hlut­verk Ingi­mund­ar, lög­reglu­stjóra sem býr í smá­bæ úti á landi og hef­ur verið í starfs­leyfi frá því eig­in­kona hans lést af slys­för­um. Hann vinn­ur hörðum hönd­um að því að gera upp hús fyr­ir dótt­ur sína og barna­barn, unga stúlku sem leik­in er af dótt­ur leikstjórans Hlyns, Ídu Mekkín. Ingi­mund grun­ar að eig­in­kona hans hafi haldið fram­hjá hon­um með manni í bæn­um og þessi grun­ur verður fljót­lega að þrá­hyggju og ljóst að mik­il reiði og sorg kraum­ar í Ingi­mundi og aðeins spurn­ing hvenær hann muni gjósa en ekki hvort.