Það var glatt á hjalla í Ásmundarsal í gær þegar Ólafur Jóhann Ólafsson fagnaði útkomu bókar sinnar, Innflytjandinn. 

Þangað mætti mikið af huggulegu fólki eins og til dæmis Jóhanna Vigdís Hjaltadóttir fréttamaður og matreiðslubókahöfundur. Með í för var eiginmaður hennar, Guðmundur Magnússon. 

Bókin fjallar um innflytjanda sem finnst látinn úti í Örfirisey á dimmum og köldum febrúardegi. Um sömu helgi verða landsmenn helteknir af hvarfi ungrar, íslenskrar stúlku sem gufar sporlaust upp í myrkrinu, snjónum og ófærðinni.

Hildur Haraldsdóttir sem búið hefur í New York um árabil kemur til Íslands með jarðneskar leifar vinar síns til að uppfylla hans hinstu ósk. Hún hefur þýtt Kóraninn á íslensku og leitar lögreglan ráða hjá henni í tengslum við lát innflytjandans. Sjálf á hún undir högg að sækja vestan hafs og sogast nú að auki inn í íslenskt skammdegi.

Eins og sést á myndunum var góð stemning en svo drifu sig allir heim að lesa enda bókin æsispennandi.