Óskar Magnússon rithöfundur og fyrrverandi útgefandi Árvakurs fagnaði útkomu bókar sinnar, Dýrbítar, á Catalínu í Kópavogi í gær.
Í bókinni kemur Stefán Bjarnason hæstaréttarlögmaður fyrir en hann var í lykilhlutverki í bók Óskars, Verjandinn. Í bókinni er velt upp mörgum spurningum eins og hver drap hvern? Hver heldur við hvern? Hefur Stefán látið af kvenseminni? Hver er Bohuslava Horyenko? Var hún frá Úkraínu?
Eru þetta allt góðar og gildar spurningar en það er enginn leið að komast að því nema lesa bókina.
Í boðinu á Catalínu í gær var ansi mikið fjör, ekkert volgt hvítvín heldur rokk og ról. Hljómsveitin Trap hélt uppi stuðinu en prímusmótor hennar er rokkstjarnan Rúnar Þór. Eins og sést á myndunum á Óskar marga skemmtilega vini sem kunna að gera sér glaðan dag.