Það var ansi mikið fjör þegar ný Bioeffect-verslun var opnuð á Hafnartorgi á miðvikudaginn. Boðið var upp á freyðivín og makkarónur og var svo sannarlega enginn á röngunni. Um er að ræða glænýja verslun sem hönnuð var af Basalt arkitektum. Hönnunin á búðinni er einstök og án hliðstæðu. 

Eins og sést á myndunum verður fólk unglegt og frísklegt af húðdropanotkun enda var enginn með þurrkblett í andlitinu í þessu boði. 

Smartland hefur heimildir fyrir því að það hafi verið svo mikið fjör að sumir hafi farið í eftirpartí sem gerði það að verkum að fimmtudagurinn var erfiður hjá sumum.