Alþjóðlega kvikmyndahátíðin IceDocs - Iceland Documentary Film Festival er haldin í annað sinn dagana 15.-19. júlí. Til að fagna því að hátíðin verði haldin var efnt til kynningarhófs á Hlemmur Square á fimmtudagskvöldið.

Heimildarmynd um skemmtiferðaskip var sýnd og kokkteilar voru í boði íslenska brugghússins OgNatura. Fjöldi kvikmyndaáhugafólks og listnema mættu og nutu veitinga í sumarblíðunni en það var DJ Snorri Ástráðs sem hélt uppi partýstemningunni.