Allir helstu broddborgarar þessa lands voru samankomnir í afmælisveislu Einars Bárðarsonar sem haldin var á Sjálandi um helgina. Einar fagnaði 50 ára afmæli sínu svo sannarlega með stæl en á meðal þeirra sem komu fram voru Sóli Hólm, Helgi Björnsson og Stefán Hilmarsson. 

Einar hefur komið víða við í skemmtanabransanum á löngum ferli sínum og sást það vel á gestalistanum enda gestir úr flestum kimum þjóðfélagsins. Tónlistarkonan Birgitta Haukdal, Jakob Frímann Magnússon alþingis- og Stuðmaður, Sigurður Þorri Gunnarsson útvarpsmaður, Guðrún Dís Emilsdóttir fjölmiðlakona og Guðlaugur Þór Þórðarson ráðherra létu sig ekki vanta.