Íslenska hljómsveitin Kaleo er á tónleikaferðalagi um heiminn um þessar mundir. Á sunnudaginn var hljómsveitin með tónleika í Kaupmannahöfn. Fyrr um daginn mættu Jökull og Gaukur í verslun 66°Norður og spiluðu fyrir gesti. 

„Við vorum svo heppin að fá þá Jökul og Gauk í Kaleo í heimsókn í verslun okkar á Sværtegade á sunnudaginn. Þeir tóku nokkur lög og hituðu þannig upp fyrir tónleikana þeirra seinna um kvöldið. Það var fullt hús hér í versluninni og mjög góð stemning á þessum fallega sumardegi í Kaupmannahöfn. Þetta vakti mikla athygli gesta og gangandi," segir Þórunn Salka Pétursdóttir markaðsfulltrúi hjá 66°Norður.