Það var heldur betur stuð og stemning þegar Páll Óskar, Ragga Gísla og Magnús Kjartan tróðu upp í fjörunni við verslun Icewear í Vík í Mýrdal í gær. Tilefnið var líka ærið, en verslunin fagnar 50 ára afmæli sínu í ár. 

Bryndís Hákonardóttir, markaðsstjóri Icewear, segir að partíið hefði ekki getað gengið betur en bongóblíða var í fjörunni og fjölmenntu heimamenn úr Vík og nærsveitum. 

Í veislunni var svo auðvitað tískusýning sem Þórunn Högna sá um.