Það var hátíðleg stemning í Hörpu á föstudaginn var þegar íslenska fyrirtækið Marel fagnaði 40 ára afmæli sínu. Boðið var upp á glæsilega dagskrá í Eldborgarsal þar sem farið var yfir brot úr sögu fyrirtækisins og skemmtileg augnablik rifjuð upp. Í leiðinni var spáð í framtíðina og minnst á allt það áhugaverða sem er fram undan. Þegar dagskránni lauk var boðið upp á drykk og eins og myndirnar sýna var góð stemning hjá gestunum. 

Árni Oddur Þórðarson, forstjóri Marel, var að sjálfsögðu í afmælisskapi enda ekki annað hægt.