Það var margt um manninn á Kjarvalsstöðum fyrr í kvöld þegar Sigríður Hrund Pétursdóttir, fjárfestir og fyrrum formaður FKA, hélt upp á 50 ára afmælið sitt. Rífandi stemning var í veislunni og dansinn dunaði undir tónum hljómsveitar og annarra listamanna.

Afmælisbarnið hélt einu ræðu kvöldsins og gerði sér lítið fyrir og tilkynnti framboð til emættis forseta Íslands, undir dynjandi lófataki viðstaddra, en kosningarnar fara fram þann 1. júní næstkomandi.

Á meðal gesta í veislunni voru Linda Ásgeirsdóttir leikkona, fyrrum fótboltakempan Bjarnólfur Lárusson, Carrin Patman sendiherra Bandaríkjanna á Íslandi, Hödd Vilhjálmsdóttir lögfræðingur og almannatengill og Unnur Elva Arnardóttir núverandi formaður FKA.